賭王何鴻燊與三太陳婉珍的女兒何超蓮最近與男友Jeremy蜜運中，時常糖黐豆。昨日三太中午時分照常到醫院探何生，着上中式服裝到場的她，打扮特別，被記者讚靚，她開心地說：「呢件衫做咗好耐，得閒攞嚟着吓。」三太昨日心情不俗，之後還主動行到記者群，反問記者有冇乜嘢想問？記者於是問她有傳其女兒超蓮男友花弗，超蓮會否懂得保護自己？三太說：「佢識得保護自己。（對Jeremy印象點？）幾好。（擔唔擔心？）我信得過佢（超蓮）。」