Qeelin創辦人兼創作總監陳瑞麟（Dennis）一向熱衷中國文化，「將中華文化最好的部分帶到全世界」是Dennis的願望，當年推出首飾品牌，其葫蘆系列由張曼玉在康城奪得影后時首次戴上，旋即風靡全球，其後的系列，均帶有傳統的中國色彩。

Dennis私底下對攝影有着莫名的狂愛，計劃今年秋季在巴黎開攝影展，而攝影展籌備了兩年多，以「世紀初中國女人的神態」為主題，邀請明星、名模及好友，包括梁詠琪、2R、陳嘉容等，穿上富中國色彩的旗袍，於鏡頭中展現不同的風韻，婀娜多姿。

陳嘉容	陳瑞麟採用懷舊攝影器材拍攝。

懷舊加現代元素

Dennis說：「攝影展應該在今年秋天舉行，同巴黎嘅畫廊度緊期，佢哋同我講，好有機會同老佛爺Karl Lagerfeld一齊開，佢哋覺得我哋大家都係設計師，又咁鍾意攝影，想安排一齊做呢個展覽。」Dennis又表示展覽中最想表達1920年代的中國女性：「唔一定全部着旗袍，雖然係懷舊，但會加入現代元素，例如化妝、人物神韻、背景可以摩登啲，不過我用嘅就真係懷舊器材，啲相機係全人手，90%係用底片。」