唔知大家有無發覺自己買咗好多衫褲鞋襪，是無着過放埋一邊？好奇怪，唔係件衫唔靚，只係你覺得佢唔夠靚，就係因為咁樣，所以一直都無着過……

當你諗番自己點解無端端會買咁多件唔會着嘅衫？你會發覺大多數被打入冷宮的，都是大減價嗰陣買的，你買的時候，應該講過呢句說話：咁平！買返去擺都抵！無錯！你買咗件衫返去……就真係擺囉！

認真的，好多時，我們買東西之前，都沒有用腦好好想過，買衫如是，買日用品如是，買食物如是……

人就是這樣，見大減價，好平好抵，唔理三七廿一，買咗先，點知最後原封不動放在家中封晒塵都無人理，太浪費了！浪費金錢之餘，亦都浪費空間，家陣間屋已經唔係大㗎啦！

買的時候，你以為自己好精明買到平貨？其實最後你發覺自己蠢咗……買咗無着過！你唔着就真係唔會着㗎啦！因為擺多兩擺，件衫個款都已經過咗季，你估你仲會唔會着先？問心？唔會囉！

其實你再諗真啲，自己真的好蠢！其實你買之前，都知自己會唔會着，唔着就真係唔好買啦！當你又想買嗰陣，諗吓個衣櫃有幾多件衫買咗仲未着？唔該大家做個精明的消費者！

時裝設計師