近年愈來愈多人轉用Smartphone，主要原因係有得上網、收發電郵同玩MSN，但係長時間開住Wi-Fi或GPS，隨時未夠半日已經冇電。坊間就有唔少提供USB連接埠嘅車用充電器出售，部分更可將iPod連接至音響系統，叉住電嚟聽歌就唔使擔心冇電啦！

撰文：鄭浩文 攝影：黎劍華　查詢電話：2392 4244

直插式充電器 $120 唔想駁到成車都係線，不妨考慮呢個一開二充電器，直接插入點煙插頭便可即時使用，還附設一個USB埠，足以應付日常需要，經濟又實用。	iPhone充電座 $630 充電座在點煙插頭直接取電，而放電話的闊度可作37~70mm調校，並可90度旋轉，將部機點擺都得！另一方面，套裝已包括iPhone接線，仲有Line In/Out連接埠，功能相當全面。	12V一開三 $140 一般汽車只有一個點煙插頭，根本就唔多夠用，解決方法係加個12V一開三充電器，咁以後同時駁住導航、空氣淨化器同照明燈都冇問題啦！充電器還提供了兩個USB埠，可直接為電話、遊戲機等器材充電。
兩用 USB $160 若主要目的只想喺車上幫電話充電的話，這個從點煙插頭直接取電的一開二 USB連接埠就啱晒你，體積細小又可發出藍光，作為點綴車廂也不錯。