售價︰$350（淨機）、$510（連0.38倍魚眼鏡）

抓拍8米厘筆刨相機勁過LOMO

本文重點

日本半天售罄
激玩E沖C效果
可拍懷舊八米厘
規格表

情人節就到，影番張甜蜜合照是指定動作，計我話影相都為留感覺，要Snap不如用LOMO。新出的Fun Nature FDC01便是全球最細「LOMO風」數碼相機，筆刨咁大毋須曬相便影到四種風格，最勁係拍到八米厘短片，幾百蚊貨仔冇得唔玩！

日本半天售罄

隨心拍攝是LOMO精髓所在，只不過LOMO機鬼死咁大部，又要曬相都幾麻煩，不少生產商就看準這點而開發具LOMO功能的數碼相機。FDC01的日本版SQ28M於去年12月推出時，未夠半天已全數售罄，除因為日本人愛抓拍外，主因是夠「細」。外觀上，FDC01只有鉛筆刨咁大，塑膠機身令佢似玩具多過相機；但它卻有齊快門、模式切換、記憶卡槽及焦距等基本按鍵，充電一次便可拍攝250張1,280×1,200解像度相片，效果猶如用120mm菲林影一樣咁「四正」。

放大圖片

機身兩邊是microSD卡槽及焦距切換掣，冇多餘設計，極簡約。

鏡頭跟舊手機用的200萬像素鏡頭相若，成像質素不要期望太高。

激玩E沖C效果

扮得LOMO，FDC01抽走了數碼相機常見的觀景器同屏幕，影相時要靠用家自行對位，出來的相片往往充滿驚喜。另外，機內預設了4種自選影像風格模式，包括︰Normal（基本）、Monochrome（黑白）、Noise（雜訊彩色）及Vivid（濃化色調），當中Normal同Noise最好玩，前者出來的相片四邊呈黑角，極有Holga特色；後者則模仿菲林時代E沖C的效果，顏色鮮艷得來光暗反差大，且微粒夠粗，極具味道。

機身內置電池及小量記憶體，並可經USB充電及過相。

模式切換掣設於機背，按一下就轉Mode，左方屏幕會顯示使用模式，例如P3代表「Vivid」。

模式切換掣設於機背，按一下就轉Mode，左方屏幕會顯示使用模式，例如P3代表「Vivid」。

FDC01登陸香港未夠一星期，Facebook會員已超過500人，上面更提供大量範例，入手前必看。

FDC01登陸香港未夠一星期，Facebook會員已超過500人，上面更提供大量範例，入手前必看。

可拍懷舊八米厘

嫌4色效果唔夠玩，FDC01還具備一個令人驚喜的功能，就係可模仿8米厘電影風格、以8fps格數拍攝320×240解像度短片。雖然短片只有畫面沒有聲音，但由於格數少、模糊兼偏黃，因此效果像極以前用單八（Single 8）菲林拍出來的電影效果。最重要是毋須沖曬藥水或專業放映機，短片以AVI形式輸出，放上電腦就睇到。首批FDC01提供紅、藍兩色，稍後會追加白色別注版，全部可連魚眼鏡頭一併購買，方便一機玩晒所有LOMO效果！