正當Angelababy（Baby）攻日闖出名堂之際，其實Elite模特兒傅嘉莉（Kelly）去年也開始在日本探路發展，稍後更會簽日本經理人公司。Kelly去年「唔聲唔聲」分別於香港、內地、日本及泰國等地，接拍超過四十個平面及電視廣告，產品包括護膚品、電器、婚紗、服裝及牙膏等，成績驕人！既獲不少日本廣告商招手，又獲日本著名藝人兼廣告女王Becky垂青，親自點名邀她為其創辦的婚紗品牌「BCK message」行騷，Kelly說：「Becky好親切，當我知道佢揀我行騷真係好開心！」而最令Kelly開心的莫過於在日本試鏡成功，接拍甜酒Bailey's的廣告。

密密做榮升業主

Kelly去年工作多多，自言十分感恩，問到去年收入多少，她大方說：「大約有170萬元，因為有啲廣告喺唔同國家播，所以收入會高啲。由於買樓比股票更實際，啱啱買咗太古城一個單位，大約四百萬元，唔係一次過畀，都要慢慢供㗎！」

放大圖片	日本藝人Becky（左）點名邀傅嘉莉為其婚紗品牌行騷。

決意今年在日本發展的Kelly，原來私底下也有跟Baby保持聯絡，她說：「大家會互相鼓勵，Baby喺日本可以影咁多本雜誌真係好犀利，因為每本雜誌都有自己嘅model，我都希望好似佢咁。之前我同Baby、Kama傾偈，佢哋都話行Tokyo Girls Collection個台真係好震撼，所以今年其中一個願望，都想行到呢個騷。」