中環街市對面的港式茶餐廳重新裝修幾個月後，最近啟業，並統一品牌名稱。此店裝修後美輪美奐，眼前一亮，但最驚喜的居然是增闢了一個Opening Counter，賣麵包。

一石擊起千層浪，變了身的茶餐廳幾乎任何時刻都滿座，要排隊等位。它的懷舊麵包做得出色，而且價格合理。一盤一盤新鮮出爐的麵包、蛋撻香氣四溢非常吸引，連一向嘴刁的男友，都嚷着要去嘗嘗雞尾包、墨西哥包、雞批、菠蘿油……

人盡其才，物盡其用，在寸金尺土的中區，附設麵包Counter做外賣，果然是絕世好橋，除了增聘麵包師傅外，幾乎是零成本。咁……其他的麵包西餅店孭着昂貴的租金、夥計人工、燈油火蠟，又點夠佢做吖？而且外賣生意無限大，如果試驗成功，相信很快便會拓展到所有茶餐廳分店，呢招真係錢途無限！

賣麵包都收八達通，呢樣又係一個賣點，顧客方便又慳人手，其他行家要學吓啦！

我都唔明，何解有些商店到現在還頑固的不收卡、不收八達通？收卡的手續費有幾多吖？將排隊入銀行的時間，做多幾單生意仲好啦！

註冊女中醫