【劉慰思巴黎直擊】時裝界中堅分子黃偉文（Wyman）於巴黎當地時間1月21日現身Jean Paul Gaultier 2010-2011秋冬男裝系列，他表示於早上落機，逗留至1月26日回港：「我喺香港睇完Vivienne Westwood個騷就即刻趕去機場，連妝都冇落，好彩候機室有得沖涼，連落妝我足足沖咗半個鐘，最後舒舒服服咁上機。」他又稱已預留一日在當地瘋狂購物，但不會順道幫朋友「入貨」：「我要強調我唔係次次都幫朋友買嘢o架！何韻詩同鄧萃雯都係一次過搞掂，總之全部幫親（做形象設計）都冇收錢，但諗諗吓都要收番啲錢幫補下！」Jean Paul Gaultier 2010-2011秋冬男裝系列的靈感源自拳擊，剪裁貼身，顏色以黑、白、灰為主，並大量用上皮革，打造出瀟灑與型格的新作。

此外，前日Wyman連去多場時裝騷，分別欣賞了Louis Vuitton與Issey Miyake 2010-2011秋冬時裝騷。

黃偉文亦有欣賞LV的秋冬新作。

JPG時裝騷現場亦布置成擂台般，花盡心思。