23/01/2010

播放本新聞相關短片

婷婷公開「尋父」情人節享天倫

謝婷婷與安志杰(Andy)感情日趨穩定,在即將到來的情人節更預告由二人行改為家庭樂,婷婷更公開「尋父」,望謝賢快現身見她一面,以享天倫。

婷婷昨以一身飄逸高衩tube dress打扮當嘉賓,介紹價值二千四百萬元RIVA豪華遊艇,赤腳登船的她,站在甲板上拍照時,卻刮起大風,令伊人險些春光乍洩,更嚇得以手掩臉以笑遮醜。一身古銅色肌膚的婷婷,自言愛曬太陽,又愛揚帆出海,且透露去年生日,哥哥霆鋒沒工作在身,即安排船河派對為她炮製驚喜:「真係好難忘,佢成日都咁忙,連自己生日都慶祝唔到。」婷婷更笑言想擁有一艘遊艇,若夢想成真,她定會移居到船上。

男友首次拜年

虎年年初一碰巧是西方情人節,問婷婷可有準備禮物送給Andy?她笑謂:「唔會特別買,平日見啱佢用嘅嘢都會送。(老夫老妻?)初一都係同屋企人過,佢第一年嚟拜年。我想你哋(指記者)幫手寫吓,叫爹哋陪我食飯,逢過時過節搵佢,佢唔係忙就唔喺香港。」

五月應會開戲

已簽約王晶旗下的婷婷,表示公司常有改動,但應該在五月份便會正式開戲。由於王晶已張揚屆時霆鋒亦會接拍他的電影,問婷婷可介意兄妹檔上陣?她大方說:「我唔介意,最近收咗好多朋友嘅短訊,讚佢喺《十月圍城》演得好好。(同佢合作有冇壓力?)我唔會同屋企人比嘅,最多都係要自己繼續進步啫。」婷婷亦坦言打算進軍動作片市場,她說:「我覺得揸槍好型囉!」

有此一著

婷婷以一身Gucci Floral Print打扮「揚帆出海」,高衩tubedress以薄紗製成,凸顯其曲線美,令原本纖瘦的她更見高挑,藍、白、黑三色組成不規則圖案,相當配合深海及大自然的奧秘。

文:影視組