純潔脫俗嘅水仙花，相傳可為家宅帶來「金飯碗」，因此一直係熱門年花之一。仲有唔夠一個月就到農曆新年，想喺屋企擺番一盆靚靚蟹爪水仙？係時候向水仙頭動刀喇！

撰文：周芷鈺 攝影：胡淑儀

先去泥，除去啡色外衣，然後(界)走底部枯根。	放大圖片	喺主芽同側芽中間開始(界)向底部，深度約4、5層，下方預留半個手指位。

需浸養20至25日

據繽紛盆栽店專業花藝師阿如表示，揀水仙同買鮑魚一樣，分5頭、8頭、10頭同20頭等，花頭愈大愈矜貴，而水仙花頭嘅浸養期，一般為20至25日，所以家陣係浸水仙嘅最佳時間。

用指頭按壓花頭，每個凹陷處都係落刀位，方法同上，然後逐層剝掉，直至露出各個花莖。	將每個花莖頂部嘅葉子削走約3分之1。之後喺每個花莖底部插一刀，就可以令花葉彎曲生長。	把花頭覆轉浸養24小時。最後把棉花浸濕，覆蓋喺花頭根部，整個步驟就完成！

畀個貼士大家，水仙有「潔癖」，想它健康成長，記得日日換水！