泰國是不少港人熱門旅遊地方，莊思敏早前便與家人到泰國曼谷旅行，不過短短幾日行程，即令她留下深刻印象，除了被美麗人妖嚇親外，更因言語不通，問路時被人亂點，她說：「酒店同商場距離好近，唔想塞車，就棄乘的士揀行路去，點知言語不通，被當地人點到暈，由十分鐘的行程變半小時，累到全家行到腳仔軟！」
她睇完人妖騷覺得好有趣，不過就形容佢哋把真聲好嚇人：「我都唔係第一次睇，覺得佢哋個個都整得好靚女！但上次無咁近距離，今次睇完騷仲行埋去影合照，佢哋好高大，本來想同佢哋傾吓偈啦，點知一聽到佢哋把真聲，唔知點解自己好驚，即時走人無傾偈。」
