上世紀拍拖活動，不外乎行街、睇戲、食飯，然而21世紀最興拍住拖做龍友，男男女女掛上單鏡相機，親自操刀為愛侶影輯沙龍。有靚景影相固然一絕，但齋影冇嘢玩又怕悶親個Baby，位於屯門小欖的燒烤場交通方便又有靚景，小記今勻幫你度埋行程，玩足一天睇埋日落，包你冧到Baby永世愛你！

位置優越 盡覽無敵海景

位於小欖的「跳蚤BBQ樂園」，位置就腳，駕車沿青山公路轉入青發街，經過舊海水化淡廠，不一會就到達。現場設有露天停車場，方便一眾駕車人士，趁周末走來玩一轉，更可順道到旁邊的樂安排跳蚤市場玩樂一番，而且在停車場泊足一天都只是$5，不怕玩到過晒鐘。燒烤場位處青山灣海邊，擁有無敵海景，最適合情侶們自駕到來吹海風、拍照，浪漫一下，場內還設有不少娛樂設施如遊戲機及釣魚魚竿等等，讓大家玩得盡興。

3:00pm 到達燒烤場 跳蚤BBQ樂園位於青山公路附近，沿公路一直駛包冇迷路。	3:30pm 打鋪機先！ 燒烤場中設有幾部電子遊戲機和夾公仔機，身為男朋友的你，快快顯身手夾隻公仔冧女友啦！	4:00pm 享受釣魚樂 燒烤場有魚竿供食客借用，有興趣者可一嘗垂釣樂。
5:00pm 準備開餐 欣賞日落之前，先準備好一切燒烤所需物品，燒烤場供應近30款食物，光是選食物都費煞思量。	7:00pm 燒烤開動！ 除既有食材外，亦可額外加點各類海鮮，只需補加食材費用，例如燒大眼雞魚只需約$50至$60，頗為划算。

$78燒全日 可追加海鮮

或者你會問，一場來到燒烤場，為何不把握時間怒燒怒食，還有閒情逸致周圍玩？皆因在「跳蚤BBQ樂園」燒足5小時都只需$78，如當天不爆場的話，更可玩足全日，絕不需要趕頭趕命。場內有近30種燒烤食材任揀，既有豬牛雞扒，還有煙鴨胸、紅黃綠燈籠椒、紫心番薯，還有老闆娘親自醃製的橙味豬頸肉，以及老闆極力推薦的魷魚和墨魚丸；如有需要亦可在電話訂位時，向老闆要求多訂各類特色食材，如海鮮、燒味，甚至燒鵝髀等等，老闆會在當天到街市替你準備新鮮食物，並只收取食物本身價格而不另收附加費或服務費，安排體貼又細心。

中蝦放在鋪滿粗鹽的錫紙盤內密封，再放在燒烤爐上烤焗，蝦的鮮甜得以保持，又帶有炭燒風味。	鹽焗蟹超甜美超多膏，證明老闆為食客揀食物有心機兼有眼光！	燒烤場位處青山灣畔，海天一色景致一覽無遺。

跳蚤BBQ樂園收費詳情：

星期一至五 成人$70、小童及長者* $48

星期六、日及假期 成人$78、小童及長者* $48

(入場費包蒸餾水一瓶、罐裝飲品一罐，首1至8位包蜜糖一杯及廁紙一卷)

註：任何日子另加開爐費(附炭一包)$20

*小童身高120cm以下，長者65歲以上並持有長者卡

查詢電話：2911 0099

撰文：陳嘉勵

攝影：陳富權

模特兒：Rachel、家豪、Michelle、Woody (hill Production)