李樂詩前晚與老公拍拖出席先施110周年酒會暨音樂會，她透露囝囝現已三個月大，她說：「佢好肥呀，有14磅重，同齡嘅BB應該得11、12磅左右，我驚佢超重，要打畀醫生問吓先，佢太鍾意食嘢喇。」雖然囝囝只有三個月大，但李樂詩已開始為他選學校，她說：「依家物色緊，做啲school tour。平日會同BB講國語，我好後悔自己以前冇學好中文，所以囝囝要學好啲，老公就同BB講英文。」

產後仍未收身成功的她希望在三個月內可減去15磅，現在亦有纖體公司跟她洽談中，她甜笑說：「老公好支持我，話請個私人教練幫我操fit啲！」