已故本地時裝設計師俞麗軒女兒陳斯允，前晚跟貝安琪出席Louis Vuitton於廣東道旗艦店舉行的《成瑞嫻：四時迴環藝術展》開幕酒會，陳斯允透露自小已學中國畫：「我都鍾意藝術創作，因為爹哋係教畫畫，我同家姐六、七歲就跟爹哋學。（有冇自己作品？）有，但唔畀得人睇，如果可以展覽都有兩、三幅。（開畫展？）有諗過，係都同家姐一齊夾，之前我哋都有討論過，但始終經驗唔夠，再加上我哋冇一齊畫過一畫。其實我男朋友爹哋都有畫畫，一個月可以畫幾十幅，但佢係畫嚟賣。」

她又透露農曆新年會與男友家人到柬埔寨旅行，問二人何時結婚？她就坦言從未諗過：「我覺得都唔需要，我哋都住埋一齊。（爹哋冇催？）冇，我諗佢會驚，因為我係屋企最細，佢會唔捨得，催都催家姐先！」