雖然何超蓮一直唔認戀情，但遭姊姊超雲踢爆曾帶男友返屋企食飯見家長。超雲更直指媽媽一早已傳授她們性知識，不用她出手教妹妹！

何鴻燊千金何超雲前晚以評審及頒獎嘉賓身份出席假洲際酒店舉行的「2010年香港皮草設計比賽」，超雲穿着Christian Dior fur配皮裙及皮boots，高貴得來又夠型格。她透露：「呢件fur係媽咪，都十幾年前。（會唔會同媽咪交換衫着？）有啲可以囉，媽咪身形好過我！細個試過喺媽咪鞋櫃攞高踭鞋着，但整爛個踭畀佢鬧。」

她又表示與妹妹超蓮是同size，故不時交換衫着。問她有否見過超蓮男友？她則大玩踢爆：「有！佢有去過我哋屋企食飯。（媽咪有冇咩comment？）佢都係當朋友食飯。（有冇教超蓮性教育？）唔使。（媽咪有冇教你哋？）好細個就有教。 （你有冇帶男友返屋企？）我都冇。（唔怕妹妹笑你dry？）唔會，唔會dry，我有（男友）都唔會帶出嚟！」

Ana R.示範的皮草獲全皮草組冠軍，旁為設計師游艷芬。

周倩圯為比賽擔任模特兒。

夏文汐露肉當玩

同場的夏文汐坦言有意從事美容生意，更不反對打botox：「都冇乜副作用，我可能遲啲會試，打幾針冇乜影響！」她又透露有導演找她傾談拍戲事宜：「喺上海拍，演員都大卡士，我好似飾演上海婆角色，但好慘我要講上海話，如果傾得成就新年前開拍。（敢唔敢接拍大膽戲？）冇人有勇氣搵我，如果搵，我都會考慮。（先生冇意見？）佢好支持同了解我，而且細路又大晒，玩吓囉！」

夏文汐	皮草混料組冠軍作品。	Lisa S.（右）造型誇張。
一眾得獎者在台上大合照。

文：名人組