我相信人人都試過唔見銀包，唔知喺邊度唔見，跌咗喺小巴？漏咗喺茶餐廳？畀人扒咗？唔知呀！總之依家唔見咗啦！唔見銀包之後，通常都會有一點點後悔內疚，後悔自己沒有好好將銀包袋好，內疚自己沒有意識到銀包唔見咗，你嬲自己，你鬧自己，你打自己，不過就算你點嬲點鬧，打死自己都好，已經失落在街頭的銀包，都唔會再一次出現……因為真係已經唔見咗！請你接受現實！

當已經接受自己唔見咗銀包這個事實之後，你會開始覺得好煩，不是因為銀包入面有好多錢，唔見錢真的唔緊要，最慘是銀包入面有好多卡！回鄉卡、信用卡、提款卡、自動增值的八達通卡……報失補領都已經夠晒煩！仲未計銀包入面嘅證件……車牌、身份證、學生證、職員證等等！唉……諗起……頭都痛埋！

當頭痛緊的時候，你又會妄想……會唔會有好心人執到個銀包，交畀警察呢？又會唔會有人執到之後，打電話畀我，畀番我呢？其實個銀包無晒錢得番啲證件，其他人攞嚟都無用o架啦？算罷啦！與其不停諗番轉頭，胡亂妄想，倒不如同自己講，破財擋災之後，叫自己以後小心啲，好好睇住自己啲財物，好過啦！

時裝設計師