早前有Botox瘦身公司，以名模陳嘉容（Eunis）擔任代言人作宣傳，Eunis昨澄清自己從冇打過Botox，亦冇擔任該瘦身公司代言人，更沒收七位數字酬勞，她說：「我都想有七位數字，之前出書係有建議過人去打Botox，某程度上係可以定點修身，好啱繁忙嘅都市女性，不過自己未打過，代言人真係唔係，我同模特兒公司知道咗都有啲嬲，我同佢哋公司只係短期宣傳關係，佢買斷咗幾張我之前影落嘅相。（有冇想過打Botox瘦小腿？）你睇我需唔需要？我好傷心呀。（會唔會採取法律行動？）等公司安排。」