模特兒王珈晴（Bibe）被杜德偉（Alex）「飛」起後，頓時失去靠山，據知她被飛後，隨即被逐出家門，令向來工作量不多的她失去愛人、失去居所、經濟拮据，以致患上抑鬱症，認真苦不堪言!

跟Alex拍拖兩年，與對方年紀相差廿一載的Bibe曾愛得甜蜜，但男方不但被影到與師妹柏妍安於台灣密會，更主動提出分手。據知Alex十分絕情，分手後即要求Bibe立刻搬離二人的愛巢，女方難以接受被「飛」而在Alex面前哭至崩潰，可惜對方無動於衷。

拒接朋友電話

日前，本報記者發現Bibe獨自於北角街頭出現，面容憔悴的她神情落寞，漫無目的地在街頭徘徊了一段時間，期間有兩名學生妹認出她，上前要求合照，她大方應邀合照，但笑容卻十分牽強。其後她到超市掃貨，除買日用品外，還大量掃啤酒，據她身邊朋友透露︰「佢成日匿埋屋企，每星期去超市一次，買足一星期貨，又唔聽電話，聽講佢好似患上抑鬱症，我哋班朋友都驚佢遲早出事！」

翌日，她穿同一款服飾出現，帶同愛犬到寵物店，她在店內逗留了個半小時，最終空手離去，看似是打發時間。之後她抱愛犬站在地產公司外看樓盤廣告，知情人士說︰「佢依家住朋友屋企，因為佢朋友成日唔喺香港，所以叫佢暫住之餘，順便看屋。其實Bibe自尊心好強，唔想煩到朋友，但佢積蓄又唔多，以前就話有Alex，依家佢又冇乜嘢做，都唔知之後會點。」

將出散文圖集

記者致電Bibe，問她是否患上抑鬱症？她否認其事，更解釋自己足不出戶的原因，她說：「我出年會出散文圖集，依家努力寫書！（經濟係咪有問題？）暫時仲OK。（係咪仲食緊安眠藥？）係咪都好，我唔想講太多，多謝關心！」

文：名人組