日本各地都有自己的特色拉麵，湯底麵質各異，其中著名的北海道札幌味噌拉麵、福岡的博多豬骨拉麵，還有福島喜多方豬骨魚湯拉麵，都以濃味為主，對於無濃不歡的我來說，從沒想過要轉口味。

今次來到高山市，必食名物高山拉麵竟是清澈的雞骨湯底！

拉麵店中央有日式庭園，可以一邊食麵一邊欣賞園景。	睇見日本妹個樣咁滋味，就知道碗麵有幾好味。	想睇到師傅煮麵的過程，可以選擇坐吧枱位。

心裏不禁響起：今餐咁清？估唔到食咗第一啖，就像卡通裏的食神爆了一聲：「好雞……」，湯底咁清都可以咁好味，全因有好雞熬出靚湯加上特製醬油！

以雞骨及蔬菜為主的湯底，清甜可口，食完麵連湯都可以飲埋，¥600（約HK$52）。	一見餅芯脹大，就要立即抽離炭爐。	只要比一比，就看到餅芯跟完成品面積差兩倍有多。

特派記者：羅安琪

成功燒成圓碌碌的燒餅，你睇這位仁兄笑得幾開心！體驗¥800/20塊（約HK$70）。	三駒屋是得獎的燒餅店，很多遊客都會買番幾包做手信。	想餅燒出來靚啲，就要用木頭將彎曲了的餅壓平。

得獎餅店　自己整燒餅

拉麵不能帶回家做手信，不如買日式燒餅吧。在上三之町附近的「飛驒三駒屋」，便是全國果子大博覽會大臣賞得主，小店內放滿幾十款燒餅任你揀，遊客更有機會即場親手試燒。

跟老闆娘走進有個小炭爐的房間，已覺熱力逼人，跟隨指示把餅芯夾在鐵枝中間，放在炭上烘一烘，轉眼間已脹大了兩倍，這時要立即抽出來，用木頭將它壓平，再燒多幾下便成。睇落容易，但親手燒時才發現火候要掌握在電光火石之間，餅芯烘得太久很易燶，有次燒到着火更變成火球！剛出爐的燒餅食落極香脆，餅碎橫飛，我覺得似蝦片多一點，雖然店內的現貨精緻得多，但將此親手燒製的「愛心牌燒餅」送給至愛，一定Sweet到暈！

飛驒三駒屋

地址：日本岐阜縣高山市丹生川町折敷地2-9

電話：（81）5 7778 2828

雞骨湯底　清甜可口

岐阜縣高山市最著名的美食，就是飛驒牛跟高山拉麵，當中「半兵衞」是區內最受歡迎的老麵店，在傳統町屋內中央有個日式庭園，大家可以透過落地玻璃欣賞園景，從沒試過食拉麵都可以咁有情調！

高山拉麵湯底以土產雞的肋骨、木魚及蔬菜等材料熬多個小時而成，淡黃色的湯清澈見底，但個人一向鍾意濃味，乍見此麵有點卻步，最後還是本着「點都要試」的心態食了一口，卻是超好味！濃香的雞湯還滲着鮮魚味，猶如媽媽的老火湯般，原來湯底加了醬油，入味之餘又不油不膩，配上獨特的中華蕎麥麵，麵身幼細，煙韌彈牙，還有入口即溶的叉燒，翠綠的葱花，不消一會已經全碗吃掉，連湯都一滴不漏飲光，湯底咁清，食多碗都唔怕肥，難怪連卡娃兒的高中生都拉大隊來幫襯！

半兵衞

地址：日本岐阜縣高山市市川原町54

電話：（81）5 7734 8451

遨遊備忘

簽證：持BNO及特區護照均毋須簽證

機票：國泰航空來回名古屋經濟客位機票由$3,150起。查詢：2921 6288

網址：www.jnto.go.jp

天氣：12月氣溫約5℃~12℃

交通：由名古屋站乘坐JR到高山站，車程約2小時35分鐘

貨幣：¥100約兌HK$8.7