星期二播出了小弟《今日VIP》的專訪，收到好多朋友的短訊：陳刀，你好搞笑呀！陳刀，你個高清妝化得幾好喎！陳刀，我為你而驕傲！反而我自己昨日才終於有時間，上網睇番自己係咪真係好搞笑？同埋個妝係咪真係化得咁高清？

哈哈！自己睇番，連我都覺得自己幾搞笑，原來自己可以咁好笑！因為印象中的名人專訪都是好悶好拘謹，不過我呢個專訪的氣氛，我自己覺得幾輕鬆舒服，同梁奕倫有講有笑，高談闊論，唔錯唔錯！

有朋友懷疑我所講的故事，是真是假，由朋友愛情談到工作家庭，當中沒有一點假話，因為我無必要作古仔令大家喜歡我記得我，我不是甚麼大人物，我只是一個時裝設計師，身兼形象設計師，加作家而已。

或許我應該覺得開心，因為我的故事對於好多人來說，太過動聽了吧，動聽得令他們不敢相信，其實好多時，我們都不去相信人家的親身經歷、真實故事，尤其是自己從未經歷過親身體驗過的……認真的，每一個人都總有屬於他自己的故事。多謝大家收睇我陳刀的故事！多謝多謝！

時裝設計師