王之（Ivana）前晚與時裝設計師川久保玲（玲姐）碰面，極度崇拜玲姐的Ivana，自稱衣櫃內有九成都是玲姐出品，當見偶像一刻，更差點失控欲舉機偷影玲姐玉照。
前晚COMME des GARCONS中環雪廠街專門店開幕，玲姐親臨坐鎮，但就貫徹低調作風，遇記者拍照即垂下頭來。香港潮人如黃偉文和黎堅惠亦往朝聖，Ivana更一早到場，自言未見過玲姐真人，感到好緊張，她說：「我知佢個人好低調，唔鍾意影相，原本好多計劃，諗住偷影佢，之後諗諗下都係唔好，我自己都唔鍾意畀人偷影啦。」
趁大減價出擊
Ivana表示剛入娛樂圈便喜歡該品牌，衣櫃內九成都是品牌的衣服，被問到如何負擔得起服裝費時，她笑言自有辦法，包括要求折扣、到日本入貨及在大減價時出擊。Ivana又指玲姐的衫很適合舞台演出，毋須再特別加工，又自爆出席活動時不斷問人是否有限量版的禮物贈送，認真搞笑。
問到好友關楚耀是否準備復出，她說：「我唔知佢近況，如果佢復出會全力支持佢。依家可以透過張敬軒搵關楚耀，睇下有乜需要會撐場。」她又說早前特地到拉斯維加斯支持在當地登台的軒仔，由於撞正感恩節假期，機票特別貴，Ivana笑言要軒仔開支票。
拒轉行做形象
而黃偉文早前為視后鄧萃雯裝身而大獲好評，他自評有195分，因為自己很偏心。他說雯女於得獎後第一時間通知他，但因有六部狗仔隊車追訪她而匆匆掛線。他重申自己幫雯女裝身是當作送禮給對方，不想別人誤會他轉行做形象，他又透露之前推了薛凱琪幫手做形象的要求。另外，談到汪明荃出席台慶頒獎禮時的服飾被指似動物園，黃偉文力排眾議讚阿姐漂亮。
文：名人組