珠寶設計師張王幼倫（Michelle）的品牌Carnet，昨日為全新推出的系列舉行首飾騷，模特兒以八個經典荷里活巨星造型現身，包括瑪麗蓮夢露及柯德莉夏萍等。
Michelle表示今次首飾騷已籌備半年，而設計則花了一年時間，她更首次推出男士袖口鈕：「好多男士話我忽略佢哋，所以今次設計廿套袖口鈕，其實男女都啱用，今次用咗好多鑽石，想騷畀人睇男人戴鑽石都好睇。」問Michelle有否問老公意見？她笑着說：「咁我一定要話有。（有冇畀佢睇你嘅設計？）如果問佢，佢一定話好。」Michelle今次還邀請了好友郭志怡行騷。
