Angelababy為工作忙個不停，近日更直言與緋聞男友陳偉霆（William）「好少見」，感情亮起紅燈，不過伊人對於William與好姊妹Janice Man（JM）傳出緋聞毫不放上心，除代澄清兩人無可能發展，更明顯對William留戀，開口叫對方等她。
由香港紅到過日本的o靚模Angelababy昨日出席海港城《You Are The Flower of My Life》聖誕MV首播活動，Baby表示前晚才回港，感到十分疲倦，早前暗瘡爆發難收，幸好看中醫後已痊愈不少，她說：「要飲好苦嘅中藥，飲到想嘔，中醫話我唔夠瞓，但嚟緊又要去日本。（以為你為情消瘦？）冇情呀，點瘦？（William唔開心？）唔知，自己啱啱先返嚟，無打畀佢，因為好忙。（會否打畀佢？）有時間先算。」
Baby強調兩人只是朋友關係，現希望將焦點放在工作上，她說：「啲新聞炒完又炒，大家決定專注工作。（想唔想William快啲有拖拍？）你要問番佢，我就係一個無時間拍拖嘅人，（有好男人喺身邊都拍唔到？）好難，要等我唔知要等幾多年，如果對方願意等，我冇所謂。」
代澄清跟JM冇可能
談到近日有指William曾追其好姊妹JM，Baby似十分了解William為人，除對他信心十足，更代為澄清兩人非拖友：「係假架，我識佢哋咁耐，知道佢哋無可能，佢哋兩人識係我介紹，中間發生乜事我都知，我可以代佢哋講一句係無可能。」
掛「勇」字跳落冰水
此外，Baby首次到橫店拍古裝喜劇《花田囍事2010》，其中一幕講述飾演遺珠公主的Baby不慎翻船墮海受傷，幸獲黃百鳴救起，才不致香消玉殞，Baby說：「拍之前導演都有問我係咪真係要親身上陣，因為當時橫店好凍，我諗水溫應該得幾度，加上古裝戲服好薄唔可以喺入面打底着太多衫，但為有好效果，都唔理得咁多，心口掛個勇字就應承。」幸好拍攝時一度出現太陽，所以落水時不致太凍而冷病。
文：名人組