老友晚上來電，怒氣沖沖的申訴……「好激氣，畀埋股份，個個月仲出埋糧畀佢，一句話唔撈就走咗去，留低個爛攤子，乜依家啲人咁無責任心㗎，錢損失事少，但同歐洲幾個Suppliers已經傾好晒合作計劃喇，唉，又係要自己做埋……」

老友幾個月前說要開拓一項新業務，做一些歐洲貴價食品批發，我說：「不熟不做喎！」老友回答：「投資不大，反正已有地方和後勤團隊，我已找了某某負責這個項目，送一點股份給他，計埋人工，皮費都是很有限的，我可以長期作戰。」

這個項目我絕不睇好，因為與老友的本業跨度太大，風馬牛不相及……某某也是我的好朋友，他是個叻人，不過是一個物理學家，佢又點識賣Jamon Lberico de Bellota吖。

Nothing is impossible這句說話是肯定沒有錯的。但要看你能付出多少代價而已？老友氣難平，我絕對理解，但某某劈炮一定有自己的原因和理由的。

施與受要對號入座，你給的，不一定是人家想要的。例如有很多人說睇醫生要有醫緣、要夾……我絕不同意。醫生最重要是辨症，如果辨症方向錯誤，食仙丹都無效。我經常掛在口邊的一句話，尋常藥治非常病……就係咁解啦！

註冊女中醫