早年已連奪兩屆香港電影金像獎「影后」的袁詠儀（靚靚），重返娘家拍劇有份角逐「視后」，並被視為「黑馬」，但她從未放在心上，因為根本志不在此！

近月來坊間對視帝、視后人選議論紛紛，靚靚從來就當自己是旁觀者，很早她就看清楚遊戲規則，明白這是「自己人的遊戲」，所以拍完後回復自己正常的生活，待老公張智霖出外，輪到他去了河北拍內地劇搵真銀去。問她既已做了影后，可想過做埋視后「儲齊一套」？靚靚笑言：「如果要儲齊一套，我就想攞電影金像獎嘅最佳女配角喇，始終電視頒獎禮有太多因素，唔係自己可以控制得到，咁點解要強求呢？電影唔同喎，真係只講演技，無其他因素。」

近日張智霖雖替無綫拍劇，但當被問到是否看好老婆成視后時，仍大膽揚言如老婆得獎願「切個頭出嚟當櫈坐」，直言老婆是大學程度，怎會回去讀小學。對於老公這番支持說話，靚靚可認同？她只笑說：「嗯，老公真係好愛我，佢嘅表現好可愛，我會更加愛佢！」

追多個女至緊要

早就講明不會出席頒獎禮的靚靚，擺明做「過客」，至於今屆視后人選，她投鄧萃雯一票，並大讚雯女是不可多得演員：「佢係個好努力嘅花旦、好演員，每次都將自己最好嘅表現畀觀眾睇，其實民意仲勁過攞獎啦，唔使一定要攞嗰舊嘢（獎座），當年我都睇好『如妃』會做視后，最後佢雖然冇獎，但得到咁多人嘅讚許，啲人覺得佢勁就得啦，呢樣我都想要，咁樣難過畀個獎你。」而靚靚亦相信雯女很明白遊戲規則。

靚靚志不在獎，原來她另有所圖：「我依家嘅目標係想生多個小朋友，所以拍完《72家租客》後會休息一段時間，我22歲拍到依家，要調理身體等生仔，係要有咁嘅犧牲，（追個女？）無錯，但唔可以貪心，我只祈求孩子健康快樂，已經係恩典，做咗媽咪後我更知足，只係想要多個小朋友，唔使強求一定係女囉。」

髮型：Sam Pang@hair culture　化妝：佩佩