近年無綫台慶頒獎禮「視后」競爭激烈，今年亦不例外，當年大熱倒灶之鄧萃雯由「如妃」變身「四奶奶」再戰死敵「三好」佘詩曼，突然又殺出黑馬「一心」袁詠儀與「升呢」爭后的「金鈴」楊怡，究竟雯女會否再一次因為不是「親生女」而敗陣？還是今年終於能吐氣揚眉？在周五結果揭盅前，且看四位「視后」熱門人選真情剖白「爭獎」心態！

從挫折中找得着 雯女：我好有體育精神

鄧萃雯是公認的實力派，年年入選「最佳女主角」五強，但一直落選，相信沒有人會忘記當年「如妃」大熱倒灶，結果還是與「視后」擦身而過。

幾乎全香港人都替雯女不值，但她卻從沒因落選影響心情：「我好有體育精神架，當年我參加成龍盃賽車，第一個圈人哋撞車就令我哋後面三部車爆胎，我一直堅持捱返去維修站整好架車完成賽事，最後真係頒咗個體育精神獎畀我。」

單純地演好套戲

原來雯女從不覺得自己是落選，向來樂觀的她覺得有提名、入五強已有得着：「點解唔正面啲睇，係要覺得係落選呢？點解要打擊自己，令自己感覺係件唔好嘅事呢？就好似讀書咁，畀心機讀書，最後考第一嘅只得一個，但考唔到第一嘅唔代表差，能夠名列前茅已經好滿足，對自己嘅勤力、盡力有所交代，何況我都唔係勤力嘅人。」雯女認為年年入選五強，已係水準的保證，有份被提名、入十強、五強的成績同是得到公司、觀眾的認同。

每件事都有值得思考的地方，雯女懂得從挫折中找出得着：「你會更有經歷，以後喺演技上可以做得更好，演戲時更單純為咗演好套戲，其實以前都唔會為咗啲咩而演戲，依家裏面更加『純淨』。」

採訪：影視組

攝影：沈健程、黎志輝