前晚，丹麥王子約阿基姆（H.R.H Prince Joachim）及王妃卡佛麗兒（H.R.H Princess Marie）專程出席哥本哈根皮草2010世博會晚宴及時裝表演，城中不少名人也應邀出席。

當中陪同夫婿邱子傑出席的名媛邱李茂琪，以一襲Hermes晚裝配襯Chanel手袋上陣，明艷照人，自言對衣着打扮絕不讓步的她，就連去旅行也會日日轉Look，她說：「去幾多日我就會帶幾多對鞋、幾多套衫，我出Trip唔可以多過七日o架！嚟緊去佛羅倫斯三日、羅馬三日，去佛羅倫斯係為咗參加畫展，自己會帶幾幅畫去，老公都會陪我去。」她又表示當年與夫婿到布吉度蜜月，僅去了四日，她笑言二人世界不用那麼長時間。

丹麥王子與王妃恩愛出席晚宴。	李桂蘭以DG晚裝配Gucci手抓包赴會，十分高貴。	吳婉芳透露一家人將到日本旅行。

李桂蘭講前王妃

同場的李桂蘭以Dolce & Gabbana晚裝裙和貂皮皮草赴會，她透露認識丹麥王子，講到淵源：「因為王子嘅前妻文雅麗以前有去我間時裝店買衫，佢結婚時啲衫都係我幫手。」至於文雅麗的近況，李桂蘭坦言：「冇聯絡喇，我諗佢想低調啲，知道佢都係喺丹麥做好多慈善工作，同埋佢已經結咗婚。」而吳婉芳則透露兩個留學英國的兒子將於十二月返港，屆時會一家人到日本旅行。