身為潮流界巨子的我，嘩哈哈！歐遊回港之後，通常朋友問我的第一個問題：你有無去行LV？歐洲個價平幾多？係咪真係平好多？

認真喺度答晒所有想知道的朋友，歐洲LV個價唔貴，不過又唔係平到唔使諗就即刻買起晒成間舖囉！咁你自己話平幾多啦？因為在歐洲行LV令我諗起一件好有趣的事：朋友是一個LV的超級粉絲，成身LV之餘，仲是LV的收藏家，他曾經跟我說他有一個LV的籃球……

我問：LV好似無出過籃球喎？

朋友話：係呀！深圳A貨！

我話：吓？老翻？

朋友話，呢個老翻籃球是一個經典，唔買唔得！仲話唔介意個籃球是老翻……認真的，我絕對唔贊成買老翻這個舉動，不過……我覺得好搞笑，亦都好佩服中國人的創意，因為中國人才是令任何事都有可能發生的民族，諗頭多多創意無限，LV籃球都畀你諗到，中國人，你真好嘢！

不過，創意還創意，我們都不應該令到創意成為一件犯法的事……我仍然記得，頭髮豉油、假雞蛋、黑芯棉胎…我希望有一日，中國人的創意可以舉世矚目，不過不是老翻假貨！

時裝設計師