周國勳女兒周穎詩前晚出席中環ifc舉行的Ben Brown fine arts活動，她透露因感恩節才回港，稍後會飛回美國讀書：「我下年畢業，修讀Art課程，將來我都想做番同design有關嘅工作。（唔幫爹哋打理業務？）唔知呢！」問到其感情事，她則故作神秘：「拍拖？唔講！（默認拍拖？）我不嬲都唔講！」另外，她表示聖誕節會舉家到泰國布吉旅行。

同場的葉梁美蘭坦言將來會把所有名貴及富珍藏價值的物品留給女兒：「等我個女結婚時，就將所有禮物送畀佢，我由佢一歲開始儲，包括有牙、頭髮以及腳仔倒模等。」她又表示女兒現13歲大，卻與自己一樣高，經常打開她的衣櫃揀衫着。