岑潔儀前晚聯同莊思敏、Mandy Lieu等出席「glaceau vitaminwater X D-mop X Ground-Zero fashion bash」派對，被問到是否因陶喆緋聞而人氣急升，工作量大增？她即直認不諱：「我依家多咗人識，要多買衫！（係咪多行性感？）都係，因為係市場需要，有身材唔怕騷！（底線？）唔係全裸就OK。」
當問到她與陶喆有否發展機會？她聽罷便笑個不停：「唔知呢！但我很欣賞佢，佢亦係我鍾意嘅類型，我鍾意有音樂才華嘅男人。（主動出擊？）唔會，做女仔應該有矜持，如果feel到佢鍾意我，我都會暗示。（聖誕節暗示？）哈……（約出街？）唔會，但我遲啲會去台灣，佢就忙演唱會，相信都唔會約佢。」至於送甚麼禮物給陶喆，她坦言尚未諗到，記者笑她送自己個心時，她甜絲絲地說：「都想，但唔知人哋要唔要。（自製禮物？）都可能會親手整，又或者送自己囉！」
