貝安琪早前被本報獨家影到與尹子維在夜店激吻，其後她否認雙方是拖友，只是好朋友而已。但昨日貝安琪出席時裝騷時卻改口風，指與對方純粹是朋友，二人關係再降呢!

貝安琪昨日與媽咪劉香萍出席銅鑼灣店舖舉行的Ports 1961早春10時裝騷。被問到聖誕將至，會否與緋聞男友尹子維共度聖誕？她強調與對方只是朋友，她說：「佢只係我朋友。（你之前話係好朋友o架？）依家係朋友！（你哋降呢？）只係普通朋友。（即係再降呢？）哈，我覺得呢個subject已經係完結。」

貝安琪與尹子維之前被拍到在夜店一起狂歡。

劉香萍強調自己唔係成日陪住女兒。

想教尹子維瑜伽

記者笑貝安琪聖誕節會在寂寞中度過，她透露有朋自遠方來：「我有個德國朋友嚟香港，佢會整聖誕餐畀我食。」她又強調現在沒有人追求。記者問她是否媽咪常在身邊而嚇走追求者？身旁的媽咪劉香萍則搶答：「我都唔喺香港幾個月，我唔係成日陪住佢o架！」

此外，貝安琪前晚出席另一派對時，表示她的瑜伽DVD稍後會在港推出，笑言會送一隻給尹子維，但當記者問她會否做尹子維私人瑜伽教練？她說：「我都希望，其實佢應該做下gym。」

外表剛強的陳貝兒，原來也可小鳥依人。	陳見飛以露背裝出席時裝騷。	溫碧霞坦言曾努力造人，但身體不好故考慮轉為領養孤兒。

陳貝兒推出新書

至於有份出席Ports 1961時裝騷的陳貝兒，透露現忙於籌備在聖誕檔期推出新書，她說：「係公司bma出版嘅，書名叫做《自在人生》，係我同一個心靈導師合作嘅書！除咗寫書，我仲忙啲司儀工作。」她坦言現以工作為重，暫無意拍拖：「有冇人追？我都有同朋友食飯。（你太女強人，冇人敢追？）我唔係女強人，我都可以係小鳥依人！」

文：名人組