一個男人去到某個年紀，突然之間會有一些心頭好，是你很想擁有……很奇怪，當你還未去到那個年紀，你可能對這些心頭好，一點興趣都沒有，甚至乎連這個心頭好是甚麼都不知道，不過，因為你已經到了那個年紀，唔知點解，你會好有興趣去認識知道研究分析，最後當然將心頭好買回來。

我終於在今次歐遊的時候，買咗隻勞畀自己，這個心頭好，我都研究咗好幾年，一個男人，一世人，都應該要有隻勞傍吓身，嘩哈哈！

大家都應該知道歐洲買LV平之外，買勞都平，因為扣起十幾個巴仙的稅之後，再有額外的折扣，以我今次買勞為例，香港賣緊五萬八，在歐洲扣稅再折之後，四萬七有交易！平咗成萬一蚊！好低！當你見到自己的心頭好在歐洲平咗咁多，你再無理由畀自己話唔買，更加無藉口叫自己遲啲先買，我買嗰陣，我同我自己講：千金難買心頭好！家陣已經平咗咁多，自己又去到呢個年紀，你仲想遲到幾時先買？

我終於都擁有人生第一隻勞啦！老人家話，帶勞意頭好：撈得起撈得起！承你貴言呀老人家！我都想我撈得起撈得耐撈得紅！總之有得撈啦！

時裝設計師