大家平日喺屋企煮荔芋扣肉的時候，係咪覺得好油膩同埋又唔香口呢?今期就講個秘訣畀大家啦！

先用水將五花腩及普洱茶葉一起煲約20~30分鐘，再以凍水過冷河及沖走表面的茶葉，五花腩冷凍後，用猛油炸至外皮成金黃色便可盛起及切件。芋頭切件及走油再盛起，將7成南乳及3成麵鼓磨爛，燒紅油鑊，放下蒜蓉及乾葱粒，再放磨爛的麵鼓醬及南乳醬一起炒香，加水兜勻後盛起並灑上胡椒粉，再加入玫瑰露酒撈勻，放入五花腩中攪勻，然後將五花腩及芋頭放入大碗中，並放下剩下的醬汁，蒸約30分鐘，一碟又香又好食的荔芋扣肉便完成啦！

材料：

五花腩（隔肥瘦） 一件

芋頭 普洱茶葉

蒜蓉 乾葱粒

調味料：

南乳 麵豉醬

玫瑰露酒 胡椒粉

貼士：

1.用普洱茶葉煮五花腩，這樣做便會做到肥而不膩。

2.用麵豉醬烹調此菜式會更香口。

騰哥Profile：具備30年鑽研飲食經驗，現代飲食協會副主席，新明苑飲食集團董事總經理，多年來旗下造就不少城中名廚，堪稱飲食界元老級人馬。

Email: lkt.smy@gmail.com