名模Amanda S.昨日以露肩裙為首飾品牌Chatila擔任模特兒，她透露完成十二月份的工作便會收爐，將連續放假三個月，到巴黎跟甜品大師Jacques Genin學藝，搞到男友Christian放心不下，她說：「佢話擔心我喺法國，因為次次去都出問題，所以會一個月嚟巴黎一次，都唔知佢係掛住我定係想check我！」Amanda笑着解釋因每次到巴黎都有男士搭訕，就連男友在她身旁亦被當透明，她續說：「法國人真係好鍾意溝女，啲男人好唔客氣，我男友喺隔籬都會繼續溝我；就算佢哋喺車度見到你都會大嗌『靚女』！」

但Amanda笑言要藉此讓男友呷醋，否則男友會變得懶惰，不再花心思氹她。