近日馬錢慧儀家中發生家傭偷竊事件，梁芷珊前晚出席《豪當家‧富當家好傾派對》時，被問到可有遇到同類事件，她說：「多多少少都有，試過唔見咗啲嘢，我同啲工人講完，隔一排啲嘢就會走番出嚟。我會用信任同畀機會嘅態度去處理呢啲事，將心比心。試過有次唔見咗件衫，我問個工人佢話拎咗去乾洗，但我都無話要乾洗，之後件衫又出番嚟。屋企唔亂，有咩唔見咗都會發現到。珠寶等貴重物品要擺喺有鎖或者有密碼嘅保險箱度，保險箱要鑲上牆。佢哋見你咁緊張都會小心啲處理。」