寇鴻萍和陳淑蘭早前因夜店的分帳問題令姊妹情決裂，兩人隔空交惡後，已在徐淑敏婚宴上扮老友，前晚再度在鏡頭前繼續又攬又咀交足戲，關係認真耐人尋味！

陳淑蘭（蘭子）早前替緋聞男友利承武出頭指對方有份投資的FEVAR Club盤數不清不楚，矛頭直指股東之一的好友寇鴻萍（Isabella），導致姊妹情一度決裂。前晚，該夜店舉行女士之夜派對，Isabella與老公梁廷鏘早早到場打點，同是股東的汪詩詩、任葆琳、蘭子及王秀琳均有出席。

Isabella為夜店近日的負面新聞澄清說：「有好多謠傳同失實嘅報道，今晚啲股東嚟晒，可以問番佢哋。（話你哋條數唔清楚？）條數從來都好清楚，我老公係律師，做咗廿幾年，條數點會唔清楚，股東之間一定知。」對於蘭子之前大數她的不是，她說：「蘭子一陣嚟你哋問番佢，我哋永遠都係好朋友、好姊妹。」

蘭子甫到場即與寇鴻萍吻臉互攬，熱情得令人側目。

寇鴻萍、梁廷鏘 錢要畀足，戲都要交足！（設計對白）

眾股東口徑一致

蘭子到場後即表現風騷，更在鏡頭前與Isabella攬頭攬頸兼作咀嘴狀，她主動謂：「我哋無因財失義，今日我嚟就係用行動證明所有嘢。第一，我唔係同新加坡嗰個人（指傳緋聞的過億闊少）拍拖，我哋識咗十年。嗰晚我明知有記者喺度，點會打爛自己飯碗。（係咪因為舊戀情仲喺度？利生有無嬲？）我一直無承認過任何戀情，亦無新戀情。」

蘭子又為自己早前指夜店出現股東問題一事解畫說：「我諗係股東之間欠缺溝通，我真係無睇過盤數，亦無分過錢，因為我唔係股東吖嘛。（你當日講得咁激動？）我係介意我當日個樣唔得，我講嘅嘢係真實同真心。」而汪詩詩和任葆琳亦表示分帳問題只屬誤會。

汪詩詩與任葆琳異口同聲表示分帳問題只屬誤會。

放大圖片

文：名人組