十二星座女生耳機

唔似一般男生揀耳機要求好聲，以聽唔聽到邊粒音作為買唔買的理由，女生就多以樣靚做出發點。Panasonic從日本新返入耳式耳機Moon Jewel（型號RP-HJF5），耳殼用上如彎月的設計，再加上每個耳機都鑲上3粒晶石，閃爆！耳機更推出十二星座顏色，好似金色代表獅子座，粉金色代表處女座，想因應自己所屬星座去揀款又得，又或者單憑感覺從顏色去選擇亦可以。為了遷就女生，Moon Jewel只提供中碼、細碼及加細碼3種耳塞，大耳窿男士免問。