Rubberband五子為了今天舉行的演唱會，又練歌又健身，加上密密的宣傳工作，真是忙得連飯都冇時間開，不過身在香港，即使肚仔餓都不用花時間走進餐廳，因為街頭小食款式層出不窮，開到成行成市，尤其在銅鑼灣，一個十字路口就有不同小食可選擇，新近有概念來自德國的熱狗店，食法新奇，RB五子都要停下工作，破例試試。

德國最正宗食法

若然大家曾到德國，就會發現不少街頭小食店都有熱狗供應，不過更多的只是賣燒香腸，銅鑼灣的Bitte Bitte，就是把這燒香腸概念引入香港，店主更設計了近廿款不同醬汁，像清新口味的希臘青瓜醬、微辣的山葵辣根醬、自家製的勁辣墨西哥辣肉醬等，配合豬肉或牛肉作餡、數款特別由德國訂來的香腸切片做成腸杯，用叉拮住食夠方便。另外，腸杯都會跟手切薯條或自家製薯餅，即叫即炸薯味濃郁，特別是薯餅，件件小巧而且非常鬆化，惟每日限量售賣，真係手快有手慢冇。至於熱狗方面，食法也有十多款，喜歡香口的朋友可揀選熱辣辣的牛角包代替一般長麵包。

放大圖片	圖林根腸配燒汁蛋黃醬 $28 圖林根腸Thuringer Sausage是德國著名的傳統香腸，以豬肉為主要材料，口味香辣而不肥膩，配上專程由德國入口的燒汁蛋黃醬，味道最夾。	Alligator Bites $27 此熱狗最特別之處在於不用加茄醬，因為內裏已有鮮牛油果片及沙律蛋作為醬汁，配合豬肉腸，味道一流。

自製墨西哥辣醬

距離開Show日子愈來愈近，RB五子亦不敢再怠慢，開始做Gym來鍛煉體力，所以飲食都特別小心，不過一見到如此美味的熱狗及香腸杯，就忍不住大口大口品嘗；不過店內用來配香腸的自家製墨西哥辣醬夠晒辛辣，而薯條、薯餅等也是熱氣炸物，需要養聲開Show的6號本來就不應多食，不過美食當前，他都破例食一次，亦大讚好食，更說再加辣都無問題。

黑椒牛肉腸配墨西哥辣肉醬 $27 嗜辣的朋友可試試這款外皮脆卜卜的牛肉腸，腸內以牛仔肉混合黑椒製成，若嫌未夠辣，則可加上用鮮辣椒及肉碎剁成的辣肉醬。	Tokyo Dash $26 日式材料如木魚絲、蛋黃醬及好味燒醬料等，放入熱狗中，感覺特別，味道有如燒八爪魚丸子。	B.B. Classic $24 青瓜配番茄，再加上茄汁及沙律醬，是為最經典的熱狗配搭，不過花點心思放在牛角包之中，頓時帶點玩味。

撰文：鄧善文

攝影：林資凱

查詢電話：2777 7220