陳妙瑛昨日以「新界區傑出學生選舉2009」傑出大使身份出席頒獎禮，她大讚得獎學生有全能發展，她在讀書時就做不到了，她說：「如果我以前係好似佢哋咁就好喇，依家呢一代好幸福，有人帶領佢哋發展，我出到嚟社會工作時仲好膽怯，唔係好識同人溝通，都係邊做邊學，依家做到全能發展，但仍然不斷學習緊。（最困難係咩？）同人溝通，點將壓力化為動力，令自己有好嘅心理質素。（你點樣減壓？）其實好難，每件事盡量輕鬆面對，我會將自己嘅壓力化為目標同動力，如果真係唔得就會去海邊或者山頂大嗌出嚟，紓緩同釋放一下。」

她又表示壓力多來自工作及對自己的要求，問到愛情可會有助減壓，她就說：「都係一個方法，唔止愛情，親情同友情都可以，但唔好依賴一個人，我會靠自己。」