其實曾經自助歐遊的朋友，都可能試過乘坐RYANAIR的廉價航班，而我今次就用4蚊歐元由巴塞隆拿飛去巴黎！平到你唔信！哈哈！雖然因為雜費、網上登記費、機場稅，最後埋單要40蚊歐元，不過，感覺都是好平而且好滿足！因為執到平嘢！

平是平，大家都好應該知道，平總有它的原因：第一，通常起飛降落的機場比較遠或者比較隔涉；第二，可能航班的時間比較差，太早或者太夜；第三，每件寄艙行李要收15歐元，仲貴過張機票！第四，不用我說，大家都一定估到，飛機上面唔會有任何娛樂節目，唔會有嘢食，唔會有嘢飲，你想飲杯水咩？錢呀唔該！

不過以我這個單身寡仔來說，當然絕對無問題啦！對於懶高貴的你，自命有型有款的他來說，可能就……嘩哈哈！其實我都好高貴好有型㗎，仲好潮添！我總相信有時放低身份，你會有另外一種體驗。好似廉價航班是不設劃位的，你可以選擇畀多4蚊歐元，快人一步優先上機！不過我不需要這種身份的象徵，多謝晒，唔使客氣！因為我想同其他人一齊逼上機……

時裝設計師