19/11/2009

播放本新聞相關短片

Jessica C.暫忘男友豪情任摸

本文重點

近期紅爆的混血女模Jessica C.一連兩日出席不同品牌活動,前晚先拖男友Sergio行騷晒恩愛,昨日又與男子組合Square的成員Brian扮情侶,攬頸攬腰兼摸大髀,比與正印男友更親密。

Jessica C.昨日及前晚分別出席「COLUMBIA熱能雪靴」記招及TOUGH Jensmith 15周年派對,與Square成員Brian(李柏煥)玩捽大髀外,又跟正印男友Sergio公然晒恩愛。

唔會尷尬

在昨日的活動上,Jessica與Brian扮演情侶行騷,二人攬頸又攬腰,男方還用手捽女方大髀及小腿,期間身穿短裙的Jessica把腳抬高時不慎露底。

對於被摸大髀,Jessica並不介意,她坦言︰「我哋扮情侶,佢只係為我暖腳,唔會尷尬。(佢對你有意思﹖)佢係我好朋友,佢都識我男友。」Brian亦解釋騷前與Jessica夾過,只為突出大會主題,不過在旁的Square成員即踢爆︰「大會冇咁要求,係咪你諗多咗﹖」Brian惟有承認捽大髀是自己的主意,又指與Jessica一見如故,成員繼續取笑他﹕「呢啲咪係緣分囉!(佢有男友。)咁真係相逢恨晚,你唔好輸呀!」

Kama暴肥

至於前晚Jessica與男友Sergio在港首次同場行騷。對於有雜誌指她裝假狗,她表示對此話題感到厭倦,並希望大家集中注意力在其工作上。不過,Sergio就大讚Jessica身材完美,給她110分,Jessica就反指男友的分數早已爆燈,並冧爆地說:「你哋睇佢靚仔過我個前度男友幾多。」二人表現甜到漏。

另外,羅凱珊(Kama)與Square的另一成員James(何尚謙)亦以情侶姿態行騷,面對Jessica搶風頭,她說︰「冇所謂,唔好夾硬話邊個搶邊個。(佢超越你﹖)唔好做比較。」發福不少的她自稱肥了十多磅,她笑言要絕食才能在下月過台發展時成功修身。

文:名人組