王馨平、葉麗儀、區瑞強、鄧梓峰和陳君宜等昨日出席慈善高爾夫球活動，王馨平亦有份落場比賽為智行基金籌款。喜歡打高爾夫球的她，上周才與老公一同飛去上海睇比賽，還見到偶像「老虎」Tiger Woods，對方雖然身為世界級高球好手，可惜王馨平見過他後對「老虎」印象大打折扣。

她說：「我之前都見過佢，但今次有啲失望，因為Tiger Woods啲保鏢好唔禮貌，竟然搶fans部相機，佢冇理由唔知道，反而佢嘅對手nice好多。（係咪好大牌？）冇法，佢咁型一定係大牌，雖然係咁，但我都撐佢。」

模特兒陳君宜最近忙於打理時裝新舖，少了跟好友徐子淇聯絡，但子淇細女出世後亦曾探望過對方，BB女肥嘟嘟好Cute，大女還認得她，平時都有買衫仔給她們。