向來不喜歡o靚模的袁彌明（Erica），昨日罕有與o靚模齊齊出席活動。但期間暗嘲周秀娜（Chrissie）着泳衣擺擘髀甫士意識淫褻，更揶揄她：「唔知佢係o靚模定係艷星！」

以踩界的性感形象成功博出位的周秀娜（Chrissie），於早前的寫真集以及最新的廣告硬照上，均有着泳衣擘髀的甫士，不過就因此受Erica狠批其意識淫褻！

一眾o靚模、袁彌明及韓國組合Yes一同出席活動。

Lavina以低胸裝到場，非常搶鏡。

與o靚模同場

昨日Erica出席Playstation「Game模」選舉活動，破天荒與o靚模劉欣宜（E Cup Baby）、胡心諾（Rainbow）和鍾蕙芝（Lavina）齊擔任嘉賓。Erica與參賽者分享儀態時說：「着泳衣就唔好擺啲淫褻甫士，好似擘髀咁！」有擺Chrissie上枱之嫌！

事後Erica被問到是否明寸Chrissie時，她未有正面回答，僅說：「只係叫啲參賽者唔好擘腳，啲相流出嚟真係好肉酸。」當被問到對Chrissie的感覺時，她語帶不屑：「對佢冇評語，唔知佢係o靚模定係艷星！對佢嘅形象好混淆，分唔清楚！」被問到同場的三位o靚模哪位較優勝時，她卻「口下留人」：「三個都有進步空間！」更強調大家互相認識，不好意思評論對方。

E Cup Baby自言會出碟做歌手，並會走跳舞路線。

Rainbow（右）在場示範以頭頂住書行catwalk。

行跳舞路線

同場的E Cup Baby則透露計劃出EP，自言會唱快歌兼跳舞，當被問到跳舞時會否擔心上圍出現「胸湧」情況而感到尷尬，她說：「我諗係婀娜多姿，蔡依林跳舞都好睇架。」不過講到會否像蔡依林一樣行性感，她表示冬天要「封胸」，卻誤說為：「冬天咪咪要抖吓涼，唔係，係咪咪要休息至啱！」尷爆當場！

文︰名人組