佘詩曼（阿佘）今年再度成為「視后」之選，面對同樣是「視后」競爭對手的楊怡，大有回到劇中，再續「金蘭姊妹」情之感覺，因為阿佘覺得楊怡很照顧拍檔。阿佘說：「我同楊怡合作過兩次，覺得佢係一個好勤力嘅藝員，佢啲演技愈來愈成熟，拍劇時又好顧及對手嘅感覺，係個唔自私嘅演員，呢樣唔係個個演員都做到。」

跟楊怡合作《宮》，阿佘有場戲很深刻，她說：「就係講我由學婢升咗職，楊怡幫我着衫，又整湯圓畀我食，佢一路流眼淚，一路抹，仲要安慰自己，但又掩唔住心痛嘅感覺，呢場戲拍咗兩次，第一次拍完，大家都覺得可以再好啲，所以再拍一次，結果拍出嚟效果好好，楊怡有好明顯進步，其實場戲都幾難演，因為要講說話安慰自己，但又真係好唔開心，監製梅小青要求佢不停流眼淚，但又要一直抹眼淚，難度係十分。」