組合HotCha與樂隊Mr.昨日現身手機品牌活動，打扮鮮艷的HotCha，現場大唱新歌，三女勁舞期間，穿上黃色leggings的Crystal失守現底，事後她說：「平時都有打底，但今日着咗leggings冇諗過會走光，真係失策。」Winkie又言由於跳舞關係，出席活動亦會作多層打底，被踢爆經常跌散手機的Regen，更笑言HotCha是打底王。

至於Mr.就激讚手機新功能，Alan說：「我哋追實用，最常係拎嚟錄Demo，同埋上網玩facebook，仲可以喺網上同父母講唔返屋企食飯，加多句『我愛你』，平日講唔出嘛。」獲品牌送上手機的Mr.齊選白色，絕不怕意外洩露機密，成員MJ更透露常以電腦與身在外地的女友卓韻芝聯絡：「可以貼貼紙相喺後面嘛，我哋都冇私隱。」