Paris Hilton舊男友、美國著名樂隊Good Charlotte成員Benji Madden，日前秘密來港捽碟，吸引城中名人明星捧場，Benji來港兩日已不忘發揮溝女本色，被拍得與在美國樂壇被譽為「亞洲版Beyonce」的劉晨芝（Adrienne）在夜店門外攬攬錫錫，Benji雙手還不時在女方背部游走，不過Adrienne顯得十分陶醉，並情不自禁親吻及輕撫對方頸部的紋身。在門外纏綿數分鐘後，兩人繼續入內狂歡。記者事後在facebook發現多張Benji與Adrienne的親密照，身材豐滿的Adrienne緊緊攬實Benji，儼如一對情侶。

其後，Adrienne在電話中得知與Benji被拍下親熱照，即緊張地說：「我哋喺美國識咗好耐，佢嚟香港，作為朋友當然要支持同招呼佢！（好親熱喎？）係咪影相角度咋？大家唔好亂估！（網上晒親密照？）吓？點解會有呢啲相o架？總之大家係好朋友，親熱啲影相唔出奇！」