向來出名怕醜的陳豪前晚出席護膚品牌派對時，獲大會安排Jessica C.和另一位三點式火辣女模為他搽手，擁有34C索爆身材的Jessica C.疑因泳衣太薄以致下體現形，結果雙重夾攻下，令陳豪無力招架兼面紅傻笑。

陳豪、佘詩曼、陳見飛、莊思敏、安志杰、陳姿允及陳斯允等名人紅星，前晚被邀出席美容護膚品牌「ERNO LASZLO登陸香港」慶祝派對，場面墟冚。當陳豪到場時，原以瑪麗蓮夢露為造型的Jessica C.即應大會安排換上白色三點式泳衣，大騷34C湯碗胸，與另一位三點式女模一左一右夾着陳豪，又分別用潤膚霜為陳豪搽手。只見陳豪火速滿臉通紅，全程目不斜視。Jessica更疑因泳衣太薄以致下體現形，加上惹火打扮，搶盡全場所有嘉賓風頭。

Jessica C.以爆乳三點式上陣，吸引全場目光。	陳豪與Jessica C.合照時目不斜視，動作僵硬。	莊思敏和陳見飛盛裝到場。

自嘲不敢亂望

陳豪自嘲似戴着眼罩的馬，不敢東張西望：「我唔敢睇呀！我feel到好似着得好少衫咁，除咗着得比較性感，仲有個出其不意嘅滋潤，兩個同時間（搽手）仲好。佢（指Jessica）一出嚟即時『潤』晒，我本來想擺個好型嘅甫士，都即時拆散咗。（你好似就快腦充血！）再嚟多一個我就暈，一個我會面紅，兩個會面青，三個就面白，而且我冇第三隻手。（可以搽面？）唔好。（怕女友呷醋？）學我喺《宮心計》嘅光王話齋，男女授受不親。做皇帝好慘，每個妃嬪搽一次手都有排。」

陳見飛	Jessica C.進場時以夢露造型示人。

承認嘗試戒煙

至於日前被偷拍與男友拍拖的Jessica無奈謂：「畀人跟蹤，我覺得唔係好舒服，但無辦法。男友都有少少唔舒服，佢話估唔到會畀人影。（以後喺街上少啲親熱行為？）我哋只係做拍拖會做嘅嘢，但都唔想攞晒出嚟畀人睇。」她又坦承有吸煙習慣，正嘗試戒煙，現時每日只會吸三支煙，問她會否怕影響形象？她謂：「好多人都吸煙，我唔知對我形象係咪好差，但一定唔係好。（影到你食好多嘢？）係呀！因為嗰日係假期，會食多啲，平時就會食得健康啲。」

文：名人組