Sit、Stay、Hand……稍為受過吓訓練嘅狗狗都識做，想愛犬「升呢」？一於投考「超級狗隻明星班」，學齊十八般武藝，狗狗即時星味上身，冧人話咁易，仲可以同主人增進感情，愈玩愈Friend！

撰文：梁淑敏 攝影：梁偉德 模特兒：Cherry（Joint Hill） 狗狗模特兒：Barney

倒後行	放大圖片	招牌插花

「升呢」訓練曝光

想愛犬進身星級Level，不能單靠一副明星相，太平洋寵物會的狗隻訓練師Carlos Chau，特別開設狗狗星級訓練班，協助狗狗「升呢」。訓練班的特色在於融入了英式教學法，以狗狗的感受行先，例如利用狗狗喜歡的玩具作出鼓勵，不會強「狗」所難，更不會用上懲罰方法，因此學習過程較需時，導師必須付出更多耐性。

放大圖片	向左走 向右走	放大圖片

Carlos表示，課堂上將傳授多款有趣招數，訓練過程當遊戲咁玩，人狗都可以樂在其中！訓練班又要求主人齊齊上堂，主人學懂如何訓練愛犬，狗狗自然更聽話，可大大拉近人狗距離。此外，主人可考慮拍下上堂花絮，他日重溫定必笑到碌地。

另類特搜	放大圖片	頂咪絕活

動感花招 倒後行

向後行都唔會窒步，這招Dog Walk訓練可令狗仔行出自信！

招牌插花

識攝位係做明星狗的重要條件！在主人雙腳下穿梭插花，身手都會靈活啲！

向左走 向右走

向愛犬兩旁拋出玩具，主人發出指令兼揮動左/右手，狗仔即時識得向左走、向右走。

另類特搜

先將狗狗心愛的玩具收藏起來，再指令牠周圍探「索」，務必找出玩具。

頂咪絕活

一聲指令，小狗似被點穴一樣，坐到定一定，仲可以表演埋頂咪絕技，Fans一定大讚「頂」呱呱。

導師起底

Carlos Chau係第一位港人獲英國British Institute of Professional Dog Trainers認可為狗隻訓練師，在港、英兩地從事犬隻訓練工作超過10年，近年更身兼馬術教練，最叻同動物做Friend。

超級狗隻明星班

簡介：每班有4至6隻狗上課，全期課程包8堂（合共9小時）；私人班同樣上8堂（課時合共6小時）。

入學資格：年齡6個月以上犬隻，並懂得基本服從指令

收費：$6,800（一隻狗+兩名主人）

查詢電話：3576 3909