楊小娟丈夫呂良偉最近被指在內地開設的廣告媒體公司市值廿億，又指他靠楊小娟的家族關係才得以成功。楊小娟前晚出席活動時回應：「阿呂係好成功，但呢啲係靠佢努力，佢喺內地知名度都好高，我只係畀啲投資同管理意見佢，加上公司有其他拍檔，成功有好多因素，所以唔好再話佢係靠我，（阿呂唔開心畀人話靠老婆？）冇！佢個人好有自信又成熟，其實我同佢一齊努力都係為屋企。」

楊小娟又否認有指他們打botox及整容以維持年輕之說：「我哋好似過緊老人家生活咁，唔煙唔酒唔蒲，仲早睡早起，加上注意飲食，梗係會keep得好，如果我真係有整容我唔介意認。」