王敏德與馬詩慧(Janet)、周汶錡、Amanda S.、Ana R.與男友前晚出席Louis Vuitton在圓方概念店的開幕。Janet着上低胸性感晚裝，揚言自己是真材實料，不需push up，她說：「我有着bra，唔使push up，真材實料o架。（着呢件衫前有乜準備工夫？）唔係咁複雜，我平時都有幫個胸按摩。」

王敏德對老婆的性感裝扮，他揚言流晒鼻血，他說：「佢真係好靚，我好proud of佢。（老婆打扮會否令你衝動生多個？）我同佢去瑞士拍嘢，可以傾吓，（兩人去三人返？）係，希望返嚟有好消息。」

周汶錡早前去了馬爾代夫充電，更因此愛上潛水。

Ana R.與男友恩愛現身。

另外，周汶錡表示剛由台灣回港，她表示早前放了一個長假，去了馬爾代夫充電，在當地還愛上了潛水，她說：「我依家好鍾意潛水，有機會會再去。（可考慮搞海底婚禮？）唔會，水底影嘅相唔靚，呢啲係美好回憶，一定要影得靚。」